1

דערצייל וועגן טאַטן און זײַן משפּחה

מײַן פאָטער איז אַ קצב אין רוים.

----------

פעטערס: 4

מומעס:    4

קוזינס:    אַ סך

2

דערצייל וועגן מאַמען און איר משפּחה

די מאַמע האָט 10 קינדער (מיך אַרײַנגערעכנט). זי אַרבעט שווער אין דער היים, און פאַרדינט צו פון וואַשן די קליידער און פּרעסן (ווען מע דאַרף) בײַ געוויסע שכנים וואָס קענען זיך דערלויבן אַז אַנדערע (פאַר באַצאלט) זאָלן טאָן די אַרבעט.

----------

פעטערס: פינף

מומעס: איינס אין איטאַליע. געווען נאָענט צו איר און איר טעכטערל, וועראָניקאַ, דער עיקר נאָך דעם ווי דאָס מיידעלע איז געוואָרן אַ קײַלעכדיקע יתומה. איך האָב זי אַרײַנגענומען צו זיך (ד.ה. די מאַמע האָט געהייסן איך זאָל זי אַרײַננעמען). מיר זײַנען גיך געוואָרן גוטע חברטעס – ניט געקוקט אויף דעם וואָס פאַראַן 8 יאָר אונטערשייד צווישן אונדז.

קוזינס: אַ סך. די באַליבסטע איז אָבער די יונגע וועראָניקאַ וואָס איך האָב איר אויפגענומען און באַזאָרגט ווי אַ ייִנגערן שוועסטערל. אפילו ווען איך האָב פאַרלאָזט איטאַליע און אַריבער אין אַמעריקע זײַנען מיר געווען אין אַ נאָענטער פאַרבינדונג דורך דער פּאָסט, ביז איך האָב געקענט אײַנאָרדענען פאַר איר אַ בילעט, זי זאָל קענען קומען וואוינען מיט מיר דאָ. עס איז געווען אַזאַ פרייד איר צו זען – ווי שיין זי איז אויסגעוואַקסן.

איך האָב פאַר איר באַקומען אַן אַרבעט מיט מיר אין טרײַענגל פאַבריק, – איך זאָל קענען האַלטן אַן אויג אויף איר. סײַ ווײַל זי איז דאָך בלויז עטלעכע חדושים אין אַמעריקע און קען נאָך ניט די שפּראַך, סײַ ווײַל זי איז ניט נאָר יונג, אָבער אַ רייצנדע שיינהייט, וואָס אויב איך וועל זי ניט באַשיצן און האַלטן אַן אויג אויף איר, וועלן עס גיך וועלן טאָן די בחורים דאָ. און צוליב מײַן אייגענע ביטערע חתונה דערפאַרונג, פיל איך אַ נייט זי אָפּצוהיטן פון דאָס זעלבע סאָרט בלינדע ליבע ווי ס'איז מיט מיר געווען – וואָס דערפירט צו גאָרניט ערנסט, און אין מײַן פאַל צו אַ גיכער חתונה און אַ גיכערער גט....

3

דערצייל וועגן ברידער און שוועסטער און זייערע משפּחות

ברידער: מיט מײַנע עלטערע ברידער בין איך שריפטלעך אין פאַרבינדונג.  מיט מײַנע שוועסטער, אָבער, האָב איך דווקע ווייניקער קאָנטאַקט... איך שטעל זיך פאָר, אַז דאָס איז דערפאַר וואָס די ייִנגלעך זײַנען ווייניקער פאַרטאָן מיט שטוב אַרבעט, און האָבן מערער פרײַע צײַט פון די פרויען.

4

דערצייל וועגן אייגענער משפּחה

מאַן:      געהאַט. נאָך אַן ערך 4 חדושים נאָך דער חתונה זיך געגט

קינדער: ניט – אפשר וועט מיר באַלד באַגליקן